علاقه من نوع خاص

السلام عليكم ورحمة الله وبركات
نتكلم النهارده عن علاقه مميزه  
علاقه غريبه.....ازليه

هى واقفه تضحك وفى ركن بعيد واقفه
 بتضحك وضحكتها كبيره
هو زعلان علشان بتضحك لانها معنى كده  مش هينفعوا بعض تانى 
هومبيحبهاش تضحك عاوزة دائما ساكنه
هى بتضحك دون اكتراث لمشاعره الغاضبه
بيكره اليوم الى اتقابلوا فيه...حس انه (اتخم فيها)
وتمر الآخرى بباله فيبتسم وهو ينظر للأخرى يشعر بضيق
أول مره شافها كانت واقفه فى المحل جميله وانيقه وهو كل يوم يعدى عليهايبص بصه صغيره وويمشى
بدأمن يعمل فى المحل يلاحظوا اهتمامه بيها 
وكانوا أول ما يشوفوه يتغامزوا ويضحكوا ضحكات ذات مغزى
ومره من المرات لمحوه من بعيد جاى راحوا مدخلينها  جوه وقف يدور بعيونه عليها

 مفيش مشكله بالنسبه لها هو أو غيره المهم تلاقى اللى يناسبها وتناسبه
  ولما يأس ...إنه مش هيشوفها مشى
وهو راجع فى نفس اليوم من الشغل بص لاقها موجوده فرح 
وطبعا"كان بينام يحلم بيها ويصحى يفكر فيها
هو مش عاوز الى معاه خلاص معديتش تناسبه هذه الايام

شعر انه اخد مقلب فيها  بس مش عارف يعمل إيه 
هى مش مسألة قلة أصل
 ولكن الظروف بتحكم الناس وكل يوم له احتياجاته
والى معاه معديتش تلائم ظروفه الآن
صحيح كان هيتجنن عليها زمان لما كانت تناسب ظروفه وهو يناسبها

بس خلاص ايامها عدت وانتهت
قام الصبح أخد حمام وفطر ولبس هدومه وبص لها بنظره ضيق 
وقال امتى مشفوش وشك تانى محتاج لك مؤقتنا بس لما يحصل المراد مصيرك
فى الشارع
امتى التانيه  تبقى معى واهنا بيها بس يخسارة  مهرها غالى 
 وراح نازل بسرعه عاوز يشوفها

عاوز يملى عينه بيها
ووفكر انها أكيد

هتقوله زى ما رميت الاولى ترمى التانيه

بس الأولى اصيله استحملت وصبرت عليه وعلى غلبه

واستحملت اهماله وعدم رعايته لها اصلها اصيله
اما دى جميله وانيقه ولكن من أقل شئ تشتكى وتفتح ابواب المصاريف عاوزه وعاوزه

وهو يادوب الى جاى على قد الى رايح...مش عارف يعمل إيه
وهو  فى طريق عمله يفكر فيها وهو بيبص فى الاوراق بيفكر فيها
تعبان ومحتاجها جدا" هتخفف عنه كتيير
ذهب الى المحل وظل ينظر اليها وجاءه احد من المحل إيه يا أستاذ ما تتفضل  
بص له باستغراب عاوز ايه
قاله حضرتك كل يوم يتجى تقف امام المحل 
هو ده ممنوع ولا حاجه
رفع حواجبه باستغراب ايه الشخص الغريب ده
الراجل قاله ازاى دى سمعة المحل
سمعة محل يعنى إيه 
يعنى مش هنعرف نشوف طلبك ايه
يعم انا جيت جنبكم
قاله طبعا لما تقف كل يوم قدام المحل يبقى ايه
قاله يبقى ايه ان شاء الله 
يبقى فى حاجه عندنا غلط
ياسلام ايه الكلام ده بتقوله ايه ياجدع انت انا مش فاضى
راح الراجل قاله حاجه خليته يسكت وهمهم
وطبعا" اتحرج ودخل 
وقعد يتلفت شمال ويمين بيدور عليها
وبعدين شافها جايه مع الراجل ضحك
وقام مقدامها له
قام مد أيده 
ومسكها وبعدين فضل يملى عيونه بيها مش مصدق انها معاه
الراجل بيبص عليه باستغراب
وبعدين اخيرا" استقرت فى الكرسى الى بجواره 
وبدأ يفكر ازاى يتخلص من الى معاه نهائى
وبعدين راح موطى على الارض
 وهى ساكنه فى مكانها وقام يلف حوالين نفسه من الفرحه 
لحصوله عليها
بص لها قوى مش مصدق نفسه
 ووجدها اجمل بكتيير فى الحقيقه
مهى حلمه الكبير

*

* 

*

*

*

*

*

*

*

*

*

*

*

 جزمه جديدة

ولو عاوز تنسى هموم الدنيا كلها البس جزمه ضيقه